Испания чемпионатининг 20-туридан ўрин олган «Бетис» - «Барселона» (1:1) ўйини катта шов-шувга сабаб бўлди.
Ўйинни бошқарган ҳакамлар қўпол хатога йўл қўйишди. 78-дақиқада, ҳисоб мезбонлар фойдасига 1:0 бўлиб турганида, Неймарнинг зарбасидан сўнг тўп дарвоза чизиғини кесиб ўтган, бироқ ҳимоячи Айсса Манди уни чиқариб юборишга улгурганди. Бош ҳакам Алехандро Хосе Эрнандес эса гол бўлганини пайқамай қолганди.
Каталониянинг Sport сайти тўп дарвоза чизиғини 57 см.га кесиб ўтганини аниқлади ва голни аниқлаш технологиясини зудлик билан жорий этилишини талаб қилди. Айни пайтда, бу тизим АПЛ ўйинларида муваффақиятли қўлланиб келмоқда.
