«Ливерпуль» бош мураббийи Юрген Клопп АПЛ 23-туридан ўрин олган «Челси» клубига қарши ўйиндан олдин ўз фикрларини айтди.

«Ишончим комил, премьер-лиганинг кўплаб клублари бизга мухлислик қилиб, «Челси»ни мағлуб этишимизни истамоқда. Агар пешқадам билан орадаги фарқни қисқартирсак, мусобақа мухлислар учун янада қизиқарли ўтади.

Бироқ бунинг аҳамияти йўқ. Биз уч очко ишлаб олмоқчимиз, шуни ўзи етарлича илҳомлантирмоқда. Бизга уч очко керак, бундан кейин очколарни йўқотишга ҳаққимиз йўқ. Бироқ ҳозирча пешқадамни қувиб етишга қодирмиз дейишга ҳали эрта» - деди Клопп.

Айни пайтда «Челси» «Ливерпуль» клубини 10 очко ортда қолдирмоқда. «Ливерпуль» – «Челси» ўйини бугун соат 01:00да бошланади.