«Барселона» клуби собиқ ярим ҳимоячиси Роналдиньо футболдаги энг кучли трио ҳақида ўз фикрларини билдириб ўтди.
«Бир пайтлар иккита ҳужумкор учлик "Барселона" тарихини ёзишган. Ҳар иккала трио ўз вақтида жуда кучли ўйин кўрсатишган. Шунга қарамай, менга ҳозирги Месси – Суарес – Неймар триосидан кўра, мен, Это’О ва Мессидан иборат учлик кўпроқ ёқади.
Неймар энг яхши ўйинчилар сафига кириб келмоқда. Ишончим комил, вақти келиб у дунёнинг энг яхши футболчисига айланади. Бутун Бразилия бу лаҳзаларни кутмоқда. Ахир у бизнинг энг яхши футболчиси ҳисобланади», – дейди Роналдиньо.
Эслатиб ўтамиз, Роналдиньо 2003-2008 йилларда каталонияликлар сафида ўйнаган. У 207та ўйинда майдонга тушиб, 94та гол урган.