"Манчестер Юнайтед" бош мураббийи Жозе Моуриньо унинг клуби "Бавария" каби рақибларининг кучли ўйинчиларини сотиб оломаслигини маълум қилди.

"Англия футболида янги давр бошланди. Биз - Германия эмасмиз. У ерда "Бавария"нинг чемпион бўлиши ёздаёқ аниқ бўлади. Улар ҳар йили "Боруссия"нинг нг яхши ўйинчиларини сотиб оладилар. Роберт Левандовски, кейин Марио Гётце, сўнг Матс Ҳуммельс... Шунинг учун улар ёздаёқ чемпион бўлиб улгурадилар.

Сиз менинг "Тоттенҳэм"га бориб, иккита кучли футболчисини сотиб олишимни тасаввур қила оласизми? "Арсенал" ва "Челси" билан ҳам худди шундай. Рақобатчини бундай йўл билан мағлуб этишнинг вақти ўтди. Агар бир жамоадан футболчи сотиб олсангиз, демак, бу футболчи уларга шунчаки керакмас. Энди трансферлар билан рақибга зарар етказиб бўлмайди.

Албатта, "Реал“, "Бавария", "Барселона" ва "ПСЖ" кимни хоҳласа - шуни сотади. Ҳозир омадли трансфер қилиш қийин", - дейди Моуриньо.