"Милан" бош мураббийи Винченцо Монтелла Италия чемпионатининг 23-турида "Сампдория"дан учралган мағлубиятдан сўнг (0:1) жамоасининг еврокубок йўлланмасини қўлга киритишига ишонишда давом этмоқда.
"Мен жамоам ижросида ажойиб футболнинг гувоҳи бўлдим, аммо иккинчи бўлимда тезликни ошириб, вазиятларни якунлашда аниқроқ ҳаракат қилишимиз лозим эди. Аммо ўйинчиларимни айблай олмайман, улар ҳаракат қилишди ва яхши ўйнадилар.
Бу биз учун қийин давр, нима бўлаётганини тушунтириш қийин. Афсус, аммо бу футбол. Хотиржамликни сақлаб, режаларимизда давом тишимиз керак. Биз тўғри йўлдамиз, деярли барча ўйинларда устунлик қиляпмиз.
Биз еврокубоклар йўлланмасини қўлга киритишимиз керак, қаттиқ ишонаманки, буни уддалаймиз", - дейди Монтелла.
