Камерун терма жамоасининг бош мураббийи Уго Брос 7 нафар футболчини Африка кубогида иштирок этишдан бош тортиши юзасидан ўз фикрларини айтди.
«Бўйсундирилмас шерлар» мусобақа финалида Мисрни (2:1) мағлуб этиб, бош совринни қўлга киритганди.
«Бизда мусобақадан олдин бир қатор муаммолар юзага келганди. 7 нафар футболчи унда иштирок этишни истамади. Майли, бу уларнинг виждонига ҳавола. Аммо ҳозирда улар, жин урсин, нега терма жамоа билан кетмадим деб ўзини айблаётган бўлса ажаб эмас.
Мусобақага келганимизда, бизни ҳеч ким бунчалик узоққа боришимизни ўйламаган эди.
Аввало, гуруҳдан чиқишни олдимизга мақсад қилиб қўйдик. Буни уддаладик. Шундан сўнг, Сенегал билан беллашишга уриниб кўрмоқчи бўлдик. Ғалаба қозонганимиздан сўнг, ўз кучимизга бўлган ишонч янада ортди ва финалда ҳам ғолиб чиқишимизга кўзимиз етди» - деди Брос.
