Kamerun terma jamoasining bosh murabbiyi Ugo Bros 7 nafar futbolchini Afrika kubogida ishtirok etishdan bosh tortishi yuzasidan o‘z fikrlarini aytdi.

«Bo‘ysundirilmas sherlar» musobaqa finalida Misrni (2:1) mag‘lub etib, bosh sovrinni qo‘lga kiritgandi.

«Bizda musobaqadan oldin bir qator muammolar yuzaga kelgandi. 7 nafar futbolchi unda ishtirok etishni istamadi. Mayli, bu ularning vijdoniga havola. Ammo hozirda ular, jin ursin, nega terma jamoa bilan ketmadim deb o‘zini ayblayotgan bo‘lsa ajab emas.

Musobaqaga kelganimizda, bizni hech kim bunchalik uzoqqa borishimizni o‘ylamagan edi.

Avvalo, guruhdan chiqishni oldimizga maqsad qilib qo‘ydik. Buni uddaladik. Shundan so‘ng, Senegal bilan bellashishga urinib ko‘rmoqchi bo‘ldik. G‘alaba qozonganimizdan so‘ng, o‘z kuchimizga bo‘lgan ishonch yanada ortdi va finalda ham g‘olib chiqishimizga ko‘zimiz yetdi» - dedi Bros.