Бундан бироз вақт олдин “Оқ-тепа” ўйингоҳида бўлиб ўтган “Навбаҳор” ва “Сўғдиёна” жамоалари ўртасидаги назорат учрашуви якунига етди. Ўйинда жамоамиз 2:0 ҳисобидаги ғалабани қўлга киритди.
Голларга сербиялик легионеримиз Неманья Йованович муаллифлик қилди. Биринчи бўлимда Йованович Мансур Саидовнинг узатиб берган тўпини дарвозага жойлаб қўйган бўлса танаффусдан кейин Неманьяга Ойбек Қиличев гол уриш имкониятини яратиб берди. Жамоамиз баҳсни йирик ҳисобда кун топишини таъминлашлари мумкин эди. Бироқ, айрим вазиятларда футболчиларимизга аниқлик етишмади. Учрашувда “Сўғдиёна” таркибида фаолияти давомида “Навбаҳор”да тўп сурган Алишер Маҳмудов ва Омон-Биик Ҳалиловларни майдонга тушганлигини ҳам қўшимча қилиш жоиз.
"Навбаҳор" учрашувни қуйидаги таркибда ўтказди: Асилбек Амонов, Алишер Саматов, Ҳасанбой Эргашев, Жаҳонгир Меҳмонов, Тоҳир Шамситдинов, Мирзоҳид Ғофуров, Ойбек Қиличев, Аъзам Алиев, Дилшод Жабборов, Мансур Саидов, Неманья Йованович.
Захирадан майдонга тушганлар: Нодир Ашурматов, Аббос Отахонов, Равшан Хурсанов, Азизбек Турғунбоев, Абдуазиз Султанов, Илҳом Бойдедаев Алишер Мирзаев, Тимур Толипов, Илҳом Алибоев.
"Навбаҳор" Тошкент йиғинидаги навбатдаги учрашувни 12 февраль куни Самарқанднинг “Динамо” клубига қарши ўтказади.
