“Манчестер Юнайтед” футболчиси Генрих Мхитарян клубдаги иштироки ҳақида ўз фикрлари билан ўртоқлашди.
- “Манчестер Юнайтед”нинг Жозе Моуриньо бошқарувидаги услуби қандай ?
- Ҳозирда жамоа анча эркин ўйнамоқда. Тўғриси сўнгги 2-3 йил давомида клубнинг ўйинларини кузатиб борганим йўқ, лекин шуни айтишим мумкинки “МЮ” ўз кучига борган сари ишонмоқда. Жамоа эндиликда тўп узатишда, ҳужум ва ҳимояда қандай ўйнашни яхши билади. Биз сўнгги дақиқаларгача курашмоқдамиз ва бир неча маротаба буни сўнгги дақиқаларда ҳам гол ура олишимиз мумкинлигини исботладик.
- Майдонда Златан ва Погба бўлсада, ўйинда етакчи сиз бўлиб қолмоқдасиз. Буни сезаяпсизми ?
- Мен ўз ишимни бажармоқдаман. Қўлимдан келганича жамоага ёрдам беришга интилаяпман. Менимча жамоани ким етаклаётгани унча муҳим эмас, муҳими бу жамоа қониқарли натижага эришиши деб ўйлайман.
- Турнир жадвалида 6-поғонада бориб, етакчиларни тақиб этиш нечоғли руҳан қийинчилик туғдиради ?
- Ҳа биз олтинчи поғонадамиз ва буни барча билади. Бироқ биз курашмоқдамиз, одамларга эса жамоа босим остида ўйнаётгандек туйилмоқда. Аслида эса биз уларни тақиб этаяпмиз ва охирида уларга етиб оламиз, - дейди футболчи Англия матбуотига берган интертвюсида.
