Яқинда футболчилик фаолиятини тугатган "Челси"нинг собиқ яримҳимоячиси Фрэнк Лэмпард Лондон клоубида малакасини оширмоқда.
Mirror хабарига кўра, Англия терма жамоасининг собиқ ўйинчиси В категорияли мураббийлик лицензиясини олиш учун клуб академиясида билимларини оширмоқда.
Лэмпард фаолиятини "Вест Ҳэм Юнайтед"да бошлаган. 2001 йилда "Челси"га ўтиб, унинг сафида 13 йил тўп сурди. 2014дан 2015 йилгача "Манчестер Сити"да ўйнади, ўтган мавсумни "Нью-Йорк Сити"да ўтказди.
Фрэнк "Челси"нинг барча даврлардаги энг яхши тўпурари саналади, у 648та ўйинда 211та гол урган.
