«Манчестер Юнайтед» клубининг собиқ ҳимоячиси Рио Фердинанд, «Арсенал» бош мураббийи Арсен Венгерни жамоаси билан янги шартнома имзолашига ишончи комил экани ҳақида гапирди.
«Бир нарсани тушуниб олишимиз керак. Венгер «Арсенал»ни фақат кучли тўртликка кирита оладиган мутахассис. Сўнгги 10 йилликда бунга гувоҳ бўляпмиз. «Арсенал» кучли тўртликка киряпти, Венгер эса янги шартнома имзоламоқда.
Демак бу лондонликлар раҳбарияти учун ягона мақсад. Улар учун чемпион бўлиш шартмас» - деди Фердинанд Tribalfootball хабарида.
