Ўзбекистонлик теннисчи Денис Истомин ATP рейтингида ўсишда давом этади. Икки ҳафта муқаддам олдин у 80-поғонага кўтарилган бўлса, бир ҳафта олдин яна уч ўрин юқорилаганди.
Янги ҳафтада Денис Истомин 76-ўринга чиқиб олгани эълон қилинди. Бу унинг битта ўрин ўсганини кўрсатиб турибди.
Ўзбекистон термасининг Дэвис кубогида муваффақиятли юришини таъминлай олган Истомин Голландияга жўнаб кетганди. У Роттердам шаҳрида бўлиб ўтаётган турнирнинг илк ўйинига британиялик Аляж Беденега имкониятни бой бериб қўйди. Мусобақа ташкилотчилари Австралия очиқ чемпионатида қаҳрамонлик кўрсатган ўзбекистонлик спортчини имтиёзли йўлланма билан олиб қолишга қарор қилди.
Унга кўра, Истомин навбатдаги босқичга йўлланма олиши учун Аляж Беденега қарши яна бир бор кортга тушади. Бу эса реванш олиши учун имконият демакдир.
Беллашув 13 февраль куни бўлиб ўтиши маълум қилинган.
