Чемпионлар Лигаси нимчорак финалида “ПСЖ”га қарши баҳсда асосий таркибда тушган Самюэл Умтити каталонияликлар жамоасига ажойиб тарзда мослашиб кетди. Айниқса, бахт келтирувчи тумор мисолида.
Бошида унга нисбатан барчада шубҳа бор эди. У буни уддалай олмайди, унга мослашиш учун вақт керак. Олдида катта тўсиқлар бор, вкз. Самюэл кескин бурилишларни яхши кўрадигнлар тоифасидан.
Дастлаб, у “Евро – 2016”га бормаслиги керак эди. Фақатгина Мамаду Саконинг допинг билан боғлиқ машмашаларидан кейин дисквалификацияга учраши, Рафаэл Варан ва Жереми Матйўларнинг жароҳатлари унга мусобақа эшикларини очган эди. Ушбу мусобақадаги илк учрашувини ҳимоячи чорак финал баҳсида бошлади. Дебют омадли чиқди. Ҳафта эса кўтаринки ўтди. 3 кун ўтиб францийалик ҳимоячи Ла Лиганинг амалдаги чемпионлари сафига қўшилди.
Матьё, Вермален ёки Бартра омадсизликка учраган клубда, унинг омади чопди
“Реал” Мадридга рақиблик қиладиган, ҳар йили Чемпионлар Лигасида ғолиблик учун курашадиган, марказий ҳимоячи ролига фақат энг кучлиларга жой берадиган клубда у муваффақиятга эришмоқда. Жерар Пике, Хавер Маскерано бунга намуна. Рақобатдошлари орасида Умтити ҳам ўзига жой топа олди.
Мавсум бошидан буён икки марта кичик жароҳатлар олиб, бироз муддат майдондан ташқарида қолган бўлишига қарамай, Самюэл Умтити бутун Испанияни ҳайратга сола билди. Сентябр ойида Марcа нашри унга қуйидаги таърифни берганди : “Матьё, Вермален ёки Бартра Пикега тандем бўлишга ҳеч кимни ишонтира олмади. Бу ҳолат асосий таркибда ўзининг жанговарлигини намоён қиладиган Умтити билан содир бўлмайди.”
Умтити – бахт келтирувчи туморми?
Ҳозиргача, Умтити кўрсатаётган ўйини ва тажрибаси билан анча хотиржам кўринмоқда. Унинг Пике билан тандеми эса ишончли кўринмоқда. Қўшимчасига, бири чапақай бўлса, бошқаси ўнгақай. Албатта, “Барселона”нинг сўнгги йиллардаги асосий таркиб ҳимоячиси Маскеранони унутмаслик керак. Бироқ, аргентиналик ярим ҳимоячи 33 ёшни қораламоқда ва ўз вазминлигини йўқотиб бораётгандек.
“ПСЖ”га қарши баҳсда, жароҳат олган Маскеранонинг ўрнини айнан Умтити эгаллади. Франциялик ҳимоячи бундай вазиятдан унумли фойдаланиб қололмади. “Барса” ҳам. Чемпионатда, “кўк-анорранглилар” Умтити билан бошлаган ўйинларнинг (12 ўйин) барчасида ғалаба қозонган эди. Аммо бу сафар ютқазди.
