MLS вакили "Филадельфия Юнион", расмий сайтида, татуировка бўйича директор лавозимига танлов эълон қилди.
Клуб раҳбарияти татуировкалар орқали мухлислар ва футболчиларнинг бирдамлигига эришиш мумкин деб ҳисобламоқда.
Бу лавозим эгаси клубнинг расмий дўконида ишлайди ва расмий тату-салон ташқарисида жамоанинг вакили сифатида фаолият юритади.
«Бу футболчиларимиз ва мухлисларимиз учун ажойиб, инқилобий янгиликдир. Номзодларни танлаш жараёни бошланди. Биз иқтидорли ва кўникмалари кўп бўлган тажрибали номзодни изламоқдамиз. Ҳар қандай услубда – америкача, японча, янги мактаб ёки реализм услубида ишловчи номзодлар учун эшигимиз очиқдир» - деди клубнинг маркетинг бўйича директори Дуг Вошик.
