MLS vakili "Filadelfiya Yunion", rasmiy saytida, tatuirovka bo‘yicha direktor lavozimiga tanlov e’lon qildi.

Klub rahbariyati tatuirovkalar orqali muxlislar va futbolchilarning birdamligiga erishish mumkin deb hisoblamoqda.

Bu lavozim egasi klubning rasmiy do‘konida ishlaydi va rasmiy tatu-salon tashqarisida jamoaning vakili sifatida faoliyat yuritadi.

«Bu futbolchilarimiz va muxlislarimiz uchun ajoyib, inqilobiy yangilikdir. Nomzodlarni tanlash jarayoni boshlandi. Biz iqtidorli va ko‘nikmalari ko‘p bo‘lgan tajribali nomzodni izlamoqdamiz. Har qanday uslubda – amerikacha, yaponcha, yangi maktab yoki realizm uslubida ishlovchi nomzodlar uchun eshigimiz ochiqdir» - dedi klubning marketing bo‘yicha direktori Dug Voshik.