"Наполи" президенти Аурелио Де Лаурентис ЕЧЛ нимчорак финалида "Реал"га қарши учрашув олдидан фикрларини билдириб ўтди.

"Сарри томошабоп ўйинни ёқтиради, у таваккал қилишни яхши кўради ва турли сюрпризлар қилиб туради. Аммо бу сюрпризлар баъзан жамоамизни шунчаки тор-мор қилинишига олиб келади аммо биз "Наполи"нинг ўзи тор-қилишига умид қиламиз.

Мен ўзим Саррини танладим ва кўпчилик эътироз билдирганида барча маъсулиятни бўйнимга олдим. Совринлар мен учун ҳеч нарсани англатмайди, аммо жамоада бундай иқтидорларнинг бўлиши муҳимроқ. У шартномани узайтириш имкониятини берадиган натижа ҳақида ўйламайди, Саррига жамоанинг қандай футбол ўйнаши муҳим. Неаполь ҳалқаро майдонларда қойилмақом футбол кўрчатяпти, бу биз учун энг яхши мукофот.

Бу мураббий ҳеч қачон бемаъни гаплар ишлатмайди, ҳатто футболдан ташқарида ҳам. Сарри - кўп қийинчиликларни бошидан ўтказган инсон. Унинг ўйин фалсафасини қўллаб-қувватлайман.

Голлар сони жиҳатидан Игуаин яхши, у кўпроқ гол урган. Агар ўйин савияси, альтруизм ва жамоага ёрдам бериш томонидан мен Мертенсни танлайман. Дрис - саҳоватли ўйинчи, у ҳеч қачон хатолар учун шерикларига зарда қилмайди", - дейди Де Лаурентис.