"Атлетико" ҳужумчиси Антуан Гризманн клубдан кетиши ҳақидаги хабарларга изоҳ берди.
"Баъзан қайси клубга ўтиш ҳақида ўйлаб қоламан. Испанияда "Барселона" ва "Реал" бор. "Барселона"да муқим ҳужум учлиги бор. "Реал"га ўтишнинг иложи йўқ, чунки "Атлетико"да ўйнайман.
Бундеслига мени унча қизиқтирмайди. Франция? Ҳозирча, бу менга вариант эмас. Англига келсак, гумонларим кўп, бу ёмғирлар ва ёмон об-ҳаво билан боғлиқ. Мен майдон ташқарисида ҳам ўзимни бахтиёр ҳис қилишим керак.
Ҳа, АПЛ ўйинларини томоша қиламан, ҳакамлар ўйнашга қўйиб беришади, стадионлар эса ҳар доим тўла. Агар мен бир лигани танлашим керак бўлса, бу испан примераси бўлади. Чунки бу чемпионат менга ва ўйин услубимга мос келади", - дейди Гризманн.
