Аргентиналик афсонавий футболчи Диего Марадона Мадриддаги отеллардан бирида ўз қаллиғига ҳужум қилгани ҳақидаги хабарларга изоҳ берди.
Аввлроқ Мардонанинг отелда қаллиғи Росио Оливога қўл кўтаргани ва бу ишга полиция аралашгани хабар қилинган эди.
"Ҳа, Мадриддаман, оилам даврасида ҳаётдан завқ оляпман ва "Наполи"нинг чемпионлар лигасидаги ўйинини кутяпман. Адвокатим ҳокимият вакиллари билан боғланди. Ҳеч қандай шикоят йўқ ва ҳеч ким менга матбуот уюштирган шоуни тушунтириб беролмаяпти. Мен вақтимни ажойиб ўтказяпман, улар эса воқелар тўқийверишсин", - деб ёзади Марадона Фейсбукда.
