17-18 феврал кунлари Қозоғистоннинг Толдиқўрғон шаҳрида The World Series Boxing (WSB) турнири доирасидаги жанг бўлиб ўтади.
“Zhastar Sports Palace” аренасида ўтказиладиган бокс оқшомида Қозоғистоннинг “Астана Арланс Казакстан” ҳамда Ўзбекистоннинг “Uzbek Tigers” жамоалари ўзаро тўқнаш келишади.
Бугун “Uzbek Tigers” жамоасининг бўлажак баҳс учун таркиби маълум қилинди.
17 феврал куни боксчилар тарозидан ўтишса, 18 февралда 5та вазн тоифасида жанглар бўлиб ўтади, дея хабар бермоқда Ўзбекистон бокс федерацияси матбуот хизмати.
“C” гуруҳидан “Uzbek Tigers”, Хитойнинг “Чайна Драгонс”, Россиянинг “Патриот Боксинг Тим” ҳамда “Астана Арланс Казакстан” жамоалари жой олган.
“Uzbek Tigers” жамоаси таркиби:
52 кг: Аброржон Қодиров
60 кг: Муроджон Аҳмадалиев
69 кг: Шаҳрам Ғиёсов
81 кг: Бектемир Мелиқўзиев
+91 кг: Баҳодир Жалолов
