«Барселона» клубининг собиқ президенти Жоан Лапорта, Чемпионлар лигасидан ўрин олган, «ПСЖ» (0:4) клубига қарши ўйиндаги йирик мағлубиятдан сўнг, жамоа раҳбари Жозеп Бартомеуни танқид қилди.
«Бундай мағлубиятдан сўнг мияга келадиган биринчи фикр – истеъфо ҳақида ариза ёзиш. Бартомеуни бундай қилмаганидан ҳайронман. Бу эса у ҳақдаги фикрларимни тасдиқламоқда.
«Барселона»нинг ҳозирги раҳбарияти жамоани қулатмоқда. Улар биз қолдирган меросдан фойдаланиб қолишди. Клубни Бартомеу ва унга ўхшаш раҳбарларнинг қўлида қолдириш хавфли» - деди Лапорта.
Эслатиб ўтамиз, Жоан Лапорта «Барселона» клубида 2003-2010 йилларда президент бўлган. Унинг раҳбарлигида жамоа 4 марта Испания чемпиони бўлган ва 2 марта Чемпионлар лигасида ғолиб чиққан.
