Италия терма жамоаси собиқ бош мураббийи Арриго Сакки «Барселона» клубининг ҳозирги ўйин услуби ҳақида ўз фикрларини билдириб ўтди.

«Барселона» тимсолида қирол ўлди. Тахтга чиқиши мумкин бўлган кейинги жамоа — бу Мадриднинг «Реал» клуби. Лекин янги жамоалар учун эркин ҳудуд мавжуд. Назаримда, бу жойга «Ювентус» жуда мос келади. Жамоа «Реал» билан тенг ривожланмоқда ва чемпионлар лигасининг ушбу мавсумидаги бош соврини учун асосий фаворит ҳисобланади.

Бир қанча вақтдан бери «Барселона» аввалги «Барселона» бўлмай қолди. Ҳа, улар ҳамон Испания чемпионатининг кучсиз жамоаларини осон мағлуб этмоқдалар.Аммо клуб жиддий рақиб билан тўқнаш келганида, аввалги тажовузкорлик, жипслик ва ташналикни кўрмайсиз.

Каталонияликлар ўз ўйин услублари орқали 10 йил давомида ҳукмронлик қилишди. Улар бутун жаҳонга футболдан ажойиб дарс беришди.

Улар ҳозир ғиштли деворга дуч келишдики, ундан Месси ҳам сакраб ўта олмайди. Боиси, Каталониянинг футбол машинаси бузилиб қолди», — сказал Сакки.