"Порту" дарвозабони Икер Касильяс "Ювентус"даги ҳамкасби Жанлуижи Буффонга юқор баҳо берди.
Испаниялик дарвозабон Буффон билан ЕЧЛ 1/8 финалида тўқнашади.
"Меннин Жижидан уч ёш кичик бўлганим омадимдан дарак. Мен фаолиятимни 14 ёшда бошлаганман, унда у 18 ёшда эди. Мен уни кузатиш, ундан усул ва характер ўрганиш имкониятига эга бўлганман. Мен унга тенглашдим ва вақт ўтиб, фаолиятимиз ўхшаш бўлди: биз иккимиз ҳам жуда кўп совринлар ютдик ва бир-биримизга қарши тез-тез ўйнадик. Буффондан ўтадиган дарвозабон Италияда бошқа чиқмаса керак.
Европа ва бутун дунёда уни барча даврларнинг энг яхши дарвозабони деб билишади. Бизда соғлом рақобат мавжуд6 биз бир-биримизни жуда ҳурмат қиламиз, унга қарши ўйнаш менга ҳар доим ёққан. У бутун дунё севадиган ўйинчи. У футбол тарихига кириб бўлди", - дейди Касильяс
