Фигурали учиш бўйича Сочи—2014 Олимпидаси иштирокчиси, кўплаб мусобақалар совриндори ўзбекистонлик Миша Ге ўз фаолияти якунланиши мумкинлигини маълум қилди, деб ёзади «Sports.ru».
25 ёшли спортчи спортдаги фаолиятини болдир суяги билан товон суягини бириктирувчи бўғинлар жароҳати туфайли якунлаши мумкин. Миша Ге жароҳатини оғирлаштирмаслик учун ўз дастурларини осонлаштиришга ҳаракат қилиб келмоқда.
«Новости Узбекистана» нашрининг маълум қилишича, ўзбекистонлик спортчи Жанубий Кореянинг Каннин шаҳрида 17–19 февраль кунлари ўтказилган Тўрт қитъа чемпионатида иштирок этиб, қисқа дастурда 81,85 очко тўплаган ҳолда 8-ўринни эгаллади.
"Менда болдир суяги билан товон суягини бириктирувчи бўғинларда муаммо бор. Бу эски жароҳат. Дастурларимни осонлаштиришга ҳаракат қилганман. Балки, бу мен учун сўнгги мавсумдир. Кўрамиз. Тўрт қитъа чемпионати мен учун охирги мусобақага айланиши мумкин" - деди Миша Ге.
Маълумот учун, Миша Ге 2014 йили Россиянинг Сочи шаҳрида бўлиб ўтган қишки Олимпия ўйинларида 17-ўринни эгаллаган эди.
