Қитъамизда клублар миқёсидаги энг нуфузли турнир саналадиган Осиё Чемпионлар лигаси старт олди.

Ўзбекистон чемпиони – "Локомотив" жамоаси илк турда Саудия Арабистонига сафар уюштиради ва "Ат-Таавун" клуби меҳмони бўлади. Анчагина қизиқарли ўтиши кутилаётган мазкур беллашувни Спорт телеканали жонли эфирда олиб кўрсатади.

Учрашув маҳаллий вақт билан 18:40 (Тошкент вақти билан 20:40)да старт олади. Спорт ТВ эса эфирни 20:30дан бошлашни режалаштирган.

“Ат-Таавун” (С. Арабистони) – “Локомотив”(Ўзбекистон)

20 февраль, Бурайда. 20:40 (Тошкент вақти)

Бош ҳакам: Аҳмад Абу Бакар Саид Ал-Каф (Уммон);
Қанот ҳакамлари: Ҳамид Сулаймой Марҳун ва Абу Бакар Салим Маҳад (ҳар иккиси Уммон);
Захира ҳаками: Исо Абдулла Ҳасан Муҳаммад Али (Баҳрайн);
Ҳакамлар назоратчиси: Ҳалид Жасим Ҳалифа Алдуки Алсенаани (БАА);
Учрашув комиссари: Талал Али (Иордания).