3 март куни «Милан» клуби Хитойнинг Sino Europe Sports компанияси қўлига ўтади.

Хитойликлар Сильвио Берлусконининг Fininvest компаниясига 320 млн евро тўлаб, клубни харид қилиш жараёнига якун ясашади.

Янги хўжайинлар ёзда таркибни ҳам кескин кучайтиришни режалаштирмоқда. Улар трансферлар учун 130 млн евро ажратишни режалаштирмоқда.

«Милан» клубининг бош директори Марко Фассоне ва спорт директори Массимилиано Мирабеллининг трансфер рўйхатидан - Франк Кессиэ («Аталанта»), Федерико Бернардески («Фиорентина»), Бальде Кейта («Лацио»), Патрик Шик («Сампдория»), Маҳмуд Даҳуд ва Кристоф Крамер (ҳар иккаласи ҳам «Боруссия» Менхенгладбах) каби футболчилар жой олган.