"Атлетико" бош мураббийи Диего Симеоне ЕЧЛ 1/8 финалида "Байер" билан устидан қозонилган ғалабадан сўнг (4:2) фикрларини билдирди.
"Сафардаги ўйинларда ўзингга бўлган ишончни сақлаш муҳим бўлади. Бу бизда керагидан ортиқча бўлди. Биз янада каттароқ устунлик билан ютишимиз мумкин эди, аммо "Байер" даврозабони иккита ажойиб сэйвни амалга оширди ва Гризманннинг гол уришига қўймади. Гризманн ҳам яхши ўйнади. Мадридга юзимда табассум билан қайтаман.
Жавоб ўйинида леверкузенликларнинг йўқотадиган нарсаси бўлмайди. Шунинг учун эҳтиёткор бўлишимиз керак. Аммо барибир бугунги натижадан мамнун бўлишимиз керак", - дейди Симеоне.
