"Лестер Сити" бош мураббийи Клаудио Раньери ЕЧЛ 1/8 финалида "Севилья"га қарши биринчи учрашув олдидан ўз жамоасини аутсайдер деб атади.
"Ўтган мавсум мўъжизали бўлди, бунисида эса ҳамма нарса қўлдан кетмоқда. Бизда карахтлик рўй беришини олдиндан айтгандим аммо бу даражада бўлади деб ўйламагандим. Биз яққол аутсайдермиз. Аммо биз ўйинга ва курашишга тайёрмиз.
Хорхе Сампаоли — мураббийлик касбини намунали вакили. У ва унинг "Севилья"си ажойиб мавсумни ўтказмоқда. Унаи Эмерини ўрнини босиш, ўйин усулини ўзгартириш ва юқори ўринларни сақлаб қолиш Европада осонмас", - дейди Раньери.
"Севилья" - "Лестер" учрашуви бугун 22 февраль куни бўлиб ўтади.
