"Лестер" вице-президенти Айяватт Шривадданапрабха жамоа бош мураббийи Клаудио Раньерининг истеъфога чиқарилишига изоҳ берди.
Бу биз "Лестер"ни сотиб олганимиздан буён 7 йил ичидаги энг қийин қабул қилган қароримиз бўлди. Амм уни қабул қилишда клубнинг узоқ муддатли истиқболи ҳисобга олинди.
Клаудио жуда кучли мураббий, яхши мотиватор, жамоага катта тажрибасини сингдирди. Унинг маҳорати "Лестер"ни ҳалқаро майдонга олиб чиқди. Биз эришган натижалар учун Раньерига миннатдорчилик билдирамиз.
Биз жамоанинг ўтган йилги ақлбовар қилмас натижасини такрорлашни кутмаган эдик. Асосий мақсадимиз АПЛда қолиш эди. Жамоанинг АПЛДа қолиш имкониятини ошириш учун бу ўзгартиришни қилдик", - дейди менежер.
