"Бавария" бош мураббийи Карло Анчелотти "Лестер" клуби томонидан истеъфога чиқарилган ҳамкасби Клаудио Раньери борасида фикрларини билдирди.
Аввалроқ, "МЮ" бош мураббийи Жозе Моуриньо ҳам истеъфога чиқарилган италиялик мутахассисни қўллаб-қувватлаш мақсадида матбуот анжуманига унинг исми-шарифи туширилган футболкада келган эди.
"Жозенинг фикрларига тўлиқ қўшиламан. Унинг фикрларига қўшилишга ўрганмаганман, аммо бу сафар у ҳақ. Ҳаммаси тўғри, Жозе.
Бу қарор ҳаммани ажаблантирди. Аммо истеъфолар - мураббийлик ишининг бир қисми. Мени ҳам кўп марта истеъфога чиқаришган, "Челси" ва "Реал"да ҳам шундай бўлганди.
"Лестер" Раньери баарган ишлар учун унга миннатдорчилик билдириши керак. У тарих ёзди. Раньерининг "Лестер"да қилган иши унга бошқа клуб, янги ҳаяжонлар топишига ёрдам беради. Кейин эса - яна истеъфога чиқаришлари мумкин", - дейди Анчелотти.
