"Реал" ҳужумчиси Криштиану Роналду Испания чемпионатининг 24-турида "Вильярреал"га қарши учрашувда (3:2) пенальтидан гол урди.

Шу тариқа португалиялик юлдуз Испания чемпионатида пенальтидан урилган голлар рекордини ўрнатди. нди унинг ҳисобида бу "нуқта"дан урилган голлар сони 57та бўлди ва мексикалик афсонавий ҳужумчи Уго Санчесни ортда қолдирди (56).

2009 йилда "Реал"га ўтганидан буён Роналду Примереада 64 пенальтидан 57тасини аниқ бажарган. Криштиану барча мусобақаларда 71 марта 11 метрлик нуқтадан аниқ фойдаланган.

Испания чемпионатидаги энг яхши пенальтичилари бешлиги билан танишинг.

1. Криштиану Роналду — 57
2. Уго Санчес — 56
3. Рональд Куман — 46
4. Лионель Месси ва Любослав Пенев — 43