Футбол статистикасига асосланган обрўли Squawka сайти футболдаги «Оскар» мукофоти ғолибларини эълон қилди.
«Энг драматик иштирок» номинациясида «Оскар»ни 20 йиллик ажойиб фаолияти учун «Ювентус» дарвозабони Жанлуижи Буффон қўлга киритди.
«Энг яхши либос» номинациясида Мексиканинг «Пумас» клуби ғолиб бўлди.
«Энг яхши соч турмаги» номинациясида - «бир одам – мингта соч турмак» - Поль Погба ғолиб бўлди.
«Иккинчи даражали қаҳрамон» номинациясида Евро-2016 финалида ҳал қилувчи голни урган Португалия ҳужумчиси Эдер ғолиб бўлди.
«Энг яхши хорижий фильм» номинациясида «Оскар»ни «Реал» бош мураббийи – франциялик Зайниддин Зидан қўлга киритди.
«Техник янгиликлар» номинациясида «Лестер» бош мураббийи Клаудио Раньери тенгсиз деб топилди. У 4-4-2 схемаси тирилтириб, «юксалиш ва пасайиш»га эришган мураббий сифатида тан олинди.
«Энг яхши эркак актёр» номинациясида «Оскар»ни «Реал» ҳужумчиси Криштиану Роналду олди.
«Энг яхши фильм» номинациясида Англия чемпиони бўлган «Лестер» ғолиб деб топилди.
