Чемпионат стартига қадар таркибни янада кучайтиришга харакат қилаётган «Андижон» селекция ишларини бир зум ҳам тўхтатмаяпти.
Таркибга икки нафар янги ўйинчи келиб қўшилди.
Уларнинг бири дарвозабон Абдукарим Муҳамедов бўлиб, 1994 йилда таваллуд топган. У ҳуқуқий жиҳатдан «Бунёдкор» аъзоси саналади. Бунгача асосан ёшлар ва биринчи лига мусобақасида харакат қилган.
Жамоа сафига ҳужумкор ярим ҳимоячи Шаҳзодбек Каримов ҳам келиб қўшилди. 1992 йилда туғилган ушбу футболчи ўтган мавсумда Жиззахнинг «Сўғдиёна» жамоасида ўйнаган.
Айни дамда ҳар икки футболчи ҳам кўрикда эканлигини айтиб ўтиш лозим. Агарда уларнинг хатти-харакатлари мураббийларга маъқул келса, шартнома имзоланади.
Дарвоқе, эртага «бургутлар» навбатдаги синов-назорат баҳсида майдонга чиқади. Бу сафарги рақиб ҳам яна «Ёзёвон-Лочинлари»дир. Фақат бу галги ўйин Ёзёвонда ўтади.
