Chempionat startiga qadar tarkibni yanada kuchaytirishga xarakat qilayotgan «Andijon» seleksiya ishlarini bir zum ham to‘xtatmayapti.
Tarkibga ikki nafar yangi o‘yinchi kelib qo‘shildi.
Ularning biri darvozabon Abdukarim Muhamedov bo‘lib, 1994 yilda tavallud topgan. U huquqiy jihatdan «Bunyodkor» a’zosi sanaladi. Bungacha asosan yoshlar va birinchi liga musobaqasida xarakat qilgan.
Jamoa safiga hujumkor yarim himoyachi Shahzodbek Karimov ham kelib qo‘shildi. 1992 yilda tug‘ilgan ushbu futbolchi o‘tgan mavsumda Jizzaxning «So‘g‘diyona» jamoasida o‘ynagan.
Ayni damda har ikki futbolchi ham ko‘rikda ekanligini aytib o‘tish lozim. Agarda ularning xatti-xarakatlari murabbiylarga ma’qul kelsa, shartnoma imzolanadi.
Darvoqe, ertaga «burgutlar» navbatdagi sinov-nazorat bahsida maydonga chiqadi. Bu safargi raqib ham yana «Yozyovon-Lochinlari»dir. Faqat bu galgi o‘yin Yozyovonda o‘tadi.
