Испания чемпионатининг 24-тури доирасида бўлиб ўтган "Вильярреал" ва "Реал" ўртасидаги ўйинда қизиқ вазият юз берди.

Мезбонлар бурчак тўпини ўйинга киритаётган пайтда "Қироллик клуби" ярим ҳимоячиси Гарет Бэйл ва посбони Кейлор Навас дарвоза олдида хийла орқали ҳакамни алдашга муваффақ бўлишди. Бурчак зарбаси амалга оширилиши билан Бэйл ва Навас ўзаро "тўқнашув" саҳнасини юзага келтиришди ва дарвозабон майдонга йиқилди. Ҳакам эса посбон рақиб футболчисининг қўполлиги эвазига қулатилди деб тахмин қилиб, ўша заҳоти ўйинни тўхтатди.

Аввалроқ Бэйл жамоадоши Хамес Родригес билан биргаликда рақиб жарима майдончаси ичида шундай саҳнани уюштириб, пенальти ишлашга муваффақ бўлганди.