"Ливерпуль" бош мураббийи Юрген Клопп Англия чемпионатининг 26-турида "Лестер"дан учралган мағлубият сабабларини келтирди (1:3).

"Мағлубиятдан сўнг тил тўсиғи бироз ҳалақит беряпти. Тўғри сўзларни топиш қийин бўляпти.

"Лестер" бугун ақлбовар қилмас даражада тажовуз кўрсатдигина эмас, "Ливерпуль" ҳам жисмоний томондан яхши кўринмади.

Рақиб бу учрашувга яхши тайёргарлик кўрган, ўйинга тайёр эди. Улар стандартлар ишладилар, биз курашда ютқаздик, рақибга аутлар совға қилдик. Бу эса ўйиндан олдин келишиб олган ўйинимиз эмасди.

Биринчи гол жуда хафа қилди, у "Лестер"га ўзига ишончни бағишлади. Хафа бўлганимни сўз билан ифодала олмайман.

Ўйин ҳис-ҳаяжонли бўлиши аввалдан маълум эди. Айбимиз шундаки, биз "Лестер"га ўтган йилдаги ўйинини кўрсатишга қўйиб бердик", - дейди Клопп.