Испанияда "Вильярреал" президенти Фернандо Роигнинг примеранинг 24-турида "Реал"га қарши учрашув ҳаками Хесус Хил Мансано номига айтган сўзлари кенг муҳокама қилинмоқда.
"Барселона" ҳам бундан четда қолмади.
"Биз сафар ўйинларида ҳакамларга совға бермаймиз. Буни уй учрашувларида бажарамиз. Нима бўлганда ҳам биз бошқа клубларнинг ишига баҳо бермаймиз", - дейди "Барселона" клуби вакили Хосеп Вивес AS газетасига.
"Вильярреал" ўз майдонида 2:0 ҳисобида олдинда бораётганига қармай "Реал"га 2:3 ҳисобида ютқазди. Мадридликларнинг иккинчи голи кўплаб баҳс-мунозараларга сабаб бўлди. Бу гол Криштиану Роналду томонидан пенальтидан киритилган. Тўп Бруно Сорианонинг қўлига теккач, Мансано 11 метрлик нуқтани кўрсатган эди. Роигнинг фикрича, Мансано мадридликларга ёрдам қўлини чўзган, бундан ташқари ўйиндан сўнг ҳакамлар стадион биносини "Реал" сумкалари билан тарк этганини айтган.
Ўз навбатида Испания ҳакамлар қўмитаси вакили воқеага "сумкаларда "Реал" нишонлари, брелок ва ручка бўлган" дея шарҳ берган.
