МТРКнинг «Спорт» телеканали бугун — 4 март куни Uzbek Tigers жамоасининг россиялик боксчиларга қарши жангларини 19:00 дан бошлаб жонли эфирда намойиш қилишни режалаштирган.

Телеканал, шунингдек, Ўзбекистон Олий лигаси ва Италия А серияси ўйинларини ҳам кўрсатиш ҳуқуқига эга. Шанба куни 18:00 да «Бунёдкор»нинг чемпионатдаги биринчи ўйини бўлиб ўтади. «Спорт» ўйинни 22:20 да ёзиб олинган ҳолда намойиш қилади.

Тошкент вақти билан 19:00 да Италия А сериясида мавсумнинг марказий ўйинларидан бири ўтиб, «Ювентус»ни таъқиб қилаётган «Рома» ва «Наполи» клублари Римда ўзаро ҳисоб-китоб қилади. Мазкур беллашув бокс сабаб сурилди ва 5 мартга ўтар кечаси 03:05 га қўйилди.

«Милан»нинг «Кьево»га қарши ўйини соат 00:45да жонли эфирда кўрсатилади.