"Қизилқум” бош менежери Ҳамиджон Актамов "Пахтакор" (1:3) клубига қарши ўйиндан сўнг ўз фикр ва мулоҳазаларини билдирди.

"Мазкур баҳсга етарлича тайёргарлик кўргандик. Албатта, рақибимиз ҳам анча жиддий жамоа эди. Учрашувни яхши бошладик. Агар ўйин бошидаёқ қулай имкониятдан фойдаланганимизда, натижа умуман бошқача бўлишиям мумкин эди. Қолаверса, Алишер Юсуповнинг ҳам жароҳат олиб майдонни тарк этиши, режаларимизни бироз ўзгартирди. Умуман олганда, йигитларга эътирозим йўқ. Улар бор имкониятларини ишга солишди. Мавсум эндигина бошланди. Шу сабаб кейинги ўйинларда ғалаба қозониб, мухлисларни хурсанд этиш учун ҳаракат қиламиз. “Пахтакор” дан  эса иккинчи даврада Навоийда бўладиган баҳсда мағлубият аламини олишга уриниб кўрамиз" - деди Актамов.