"Qizilqum” bosh menejeri Hamidjon Aktamov "Paxtakor" (1:3) klubiga qarshi o‘yindan so‘ng o‘z fikr va mulohazalarini bildirdi.

"Mazkur bahsga yetarlicha tayyorgarlik ko‘rgandik. Albatta, raqibimiz ham ancha jiddiy jamoa edi. Uchrashuvni yaxshi boshladik. Agar o‘yin boshidayoq qulay imkoniyatdan foydalanganimizda, natija umuman boshqacha bo‘lishiyam mumkin edi. Qolaversa, Alisher Yusupovning ham jarohat olib maydonni tark etishi, rejalarimizni biroz o‘zgartirdi. Umuman olganda, yigitlarga e’tirozim yo‘q. Ular bor imkoniyatlarini ishga solishdi. Mavsum endigina boshlandi. Shu sabab keyingi o‘yinlarda g‘alaba qozonib, muxlislarni xursand etish uchun harakat qilamiz. “Paxtakor” dan  esa ikkinchi davrada Navoiyda bo‘ladigan bahsda mag‘lubiyat alamini olishga urinib ko‘ramiz" - dedi Aktamov.