"Реал" ярим ҳимоячиси Гарет Бейлнинг фикрича, Криштиану Роналдунинг майдондаги вазифаси ўзгарган бўлса-да, у ҳамон самарали ўйнашда давом этмоқда.

"Криштиану билан ҳамиша яхши тил топишамиз. Бир-биримиздан паслар қабул қилиб, кўплаб голлар урганмиз. Биз 2 марта чемпионлар лигасида ғолиб чиқдик.

Роналду ажойиб формада, аммо унинг вазифаси ўзгарди. Энди у кўпроқ ҳужумчига ўхшамоқда. Криштиану ёшлик пайтида "Манчестер Юнайтед"да ўйнаётганида орқа чизиқдан бошлаб рақиб футболчиларидан қочиб кетаётганини кўрардик.

У ҳозир ўз ўйинини бироз ўзгартирди. У жарима майдончаси ичида самарали ҳаракат қилмоқда, голлар урмоқда, узатмалар бермоқда. Ёш ўтиши билан ҳаттоки мен ҳам ўз ўйинимни ўзгартиряпман. Роналду нима қилиш кераклигини билади ва буни яхши амалга оширмоқда", – деди Гарет Бэйл.