Англия терма жамоасининг собиқ ҳимоячиси Сол Кэмпбелл фикрича, «Челси» ярим ҳимоячиси Эден Азар жаҳоннинг энг яхши футболчисига айланиш учун «Реал» ёки «Барселона»га ўтиши шарт эмас.
«Аввал жаҳоннинг энг яхши футболчисига айланиш учун "Реал" ёки "Барселона"га ўтиш керак эди. Аммо Азар ҳозирданоқ топ-даражадаги футболчи ҳисобланади. Шунга қарамай, инсонлар хаёлида у ёки бу футболчи дунёнинг энг яхши клубида ўйнаганини айтиш учун мазкур икки жамоадан бирига ўтиши керак», — деди Кэмпбелл.