Чемпионлар лигаси нимчорак финалидан ўрин олган жавоб ўйинида "Барселона" ўз майдонида ПСЖни қабул қилади.
Қуйида мазкур жамоалар тўқнашувига оид қизиқарли маълумотларни эътиборингизга ҳавола этамиз.
1. Ушбу жамоалар шу кунга қадар 10 марта тўқнаш келишган. 4 та беллашувда каталонияликлар, 3 та баҳсда эса парижликларнинг қўли баланд келган. Қолган 3 та ўйинда муроса кўчаси танланган. Тўплар нисбати 16:15 "Барcа" фойдасига.
2. "Барселона" "Камп Ноу"да ПСЖга ютқазмаган. Ўз майдонидаги 4 ўйиннинг 2 тасида "Барcа" зафар қучган бўлса, яна 2 тасида дуранг қайд этилган.
3. Каталонияликлар ПСЖдан учралган қақшатқич мағлубиятдан кейин ўтказилган барча 4 та ўйинда ҳам зафар қучишди. Парижликлар эса 3 та ўйиннинг 2 тасида ғалаба қозониб, яна бирида очко йўқотишди.
4. "Барcелона" 2017 йилда ўтказилган 11 ўйиннинг 5 тасида йирик ҳисобда зафар қучган. Жумладан 4 та баҳсда 4 та тўп фарқи билан ютуққа эришган.
5. ПСЖ бу йил ўтказилган 10 та баҳснинг 8 тасида ғалаба қозониб, 2 тасида дурангга имзо чеккан.
6. "Барcелона" Чемпионлар лигаси тарихида плей оффнинг биринчи ўйинида 0:4 ҳисобида имкониятни бой бериб, амалда кейинги босқичга чиққан илк жамоага айланиши мумкин.
7. Парижликлар қаторасига бешинчи мавсум ЧЛнинг чорак финал иштирокчисига айланишлари эҳтимоллиги мавжуд.
