Яқинда «Барселона» ҳужумчиси Лионель Месси Мисрга ташриф буюриб, хайрия тадбирида иштирок этиб кетган эди.

Мисрлик машҳур археолог Заҳий Ҳавасс Месси билан учрашгани ҳақида гапириб берди.

«Кечирасизу, Месси аҳмоқ экан. Мен у билан гаплашганимда юзида ҳеч қандай ҳиссиётни кўрмадим. У мен гапирган нарсаларга умуман қизиқиш билдирмади.

Мен унга пирамидалар ичидаги маҳфий жойлар, ўтмиш қироллари, Тутанхамон сулоласи ҳақида гапирдим. Ундан садо чиқмади. Бу гаплар унда ҳеч қандай қизиқиш уйғотмади. Месси ўзини яхши тутди, аммо у фақат футбол билан қизиқаркан» - деди Ҳавасс.

Заҳий Ҳавасс Қадимги Мисрнинг тарихи ва маданиятини оммалаштириш билан шуғулланади. 2006 йили Time журнали уни дунёнинг энг обрўли 100 нафар олими сафига киритган.