Yaqinda «Barselona» hujumchisi Lionel Messi Misrga tashrif buyurib, xayriya tadbirida ishtirok etib ketgan edi.
Misrlik mashhur arxeolog Zahiy Havass Messi bilan uchrashgani haqida gapirib berdi.
«Kechirasizu, Messi ahmoq ekan. Men u bilan gaplashganimda yuzida hech qanday hissiyotni ko‘rmadim. U men gapirgan narsalarga umuman qiziqish bildirmadi.
Myen unga piramidalar ichidagi mahfiy joylar, o‘tmish qirollari, Tutanxamon sulolasi haqida gapirdim. Undan sado chiqmadi. Bu gaplar unda hech qanday qiziqish uyg‘otmadi. Messi o‘zini yaxshi tutdi, ammo u faqat futbol bilan qiziqarkan» - dedi Havass.
Zahiy Havass Qadimgi Misrning tarixi va madaniyatini ommalashtirish bilan shug‘ullanadi. 2006 yili Time jurnali uni dunyoning eng obro‘li 100 nafar olimi safiga kiritgan.
