"Манчестер Юнайтед" бош мураббийи Жозе Моуриньо Европа лигаси нимчорак финалининг биринчи ўйинида "Ростов" билан дурангдан сўнг (1:1) фикрлари билан ўртоқлашди.
"Натижа ижобий. Уйда бизга фақат ғалаба керак, тўғри, маълум ҳолатдаги дуранг ҳам бизни қониқтиради. Биз бир оёғимиз билан чорак финалдамиз десак ҳам бўлади. Шу билан бирга "Ростов" - тажрибали жамоа эканлигини айтиш мумкин. Улар учун катта стадионларда ўйнаш муаммо эмас.
Улар якшанба куни РФПЛ доирасида "Терек" билан ўйнайди, биз эса душанба куни "Челси" билан. Шунинг учун тикланиш учун уларда вақт кўпроқ", - дейди Моуриньо.
Жавоб учрашуви 16 март куни "Олд Траффорд"да бўлиб ўтади.
