"Арсенал" бош мураббийи Арсен Венгер ўзини ва "Барселона" бош мураббийи Луис Энрикени таққослади.
Энрике чарчаганини сабаб қилиб, мавсум сўнгида клубни тарк этишини айтганди.
"Мен ҳам Энрике каби чарчадимии? Ўзимни яхши ҳис қиляпман, ўзимни кучли ва жуда мотивацияга тўла деб биляпман. Ўзимда бор нарсани клубга беришга тайёрман.
Охирги воқеалардан келиб чиқиб айтишим мумкинки, Луис Энрике икки ҳафта олдин аҳмоқ эди, унга ҳамма "сен кетишинг керак" деётган эди. У "хўп, кетаман" деди. Аммо энди у қаҳрамон. Мураббийлик ишининг аслияти шунда.
Биласизми, мен махсус тенглама ўйлаб топдим, мен математика мухлисиман. Бирон куни буни сизларга тақдим қиламан, ҳозир бунинг вақти эмас. У сизларга ёқади, деб ўйламайман, у мураббийлик иши ҳақида. Мен формулани топдим", - дейди Венгер.
