Италия чемпионати 28-турининг марказий учрашувида "Ювентус" ўз майдонида "Милан"ни мағлуб этди.
Биринч бўлимда Меҳди Банатиа ҳисобни очган бўлса, бўлим охирларида Карлос Бакка ҳисобни тенглаштирди.
Меҳмонлар ўйин охирида 10 киши бўлиб қолишди: қўшиб берилган дақиқаларнинг учинчисида Хосе Эрнесто Соса иккинчи сариқ карточка олиб майдонни тарк этди.
Кейин Маттиа Де Шиьо қўли билан ўйнагани учун миланликлар дарвозасига пенальти белгиланди. Пнеальтини Пауло Дибала аниқ бажарди.
Ушба учрашувдан сўнг А серия жадвалида "Ювентус" 70 очко билан пешқадамликни мустаҳкамлади, "Милан" эса 50 очко билан еттинчи ўринда бормоқда.
Италия чемпионати, 28-тур
Ювентус – Милан 2:1 (1:1, 1:0)
Голлар: 1:0 – 30 Бенатия, 1:1 – 43 Бакка, 2:1 – 90, пенальти Дибала.
Ювентус – Буффон, Бардзальи (Лихтштайнер, 46), Бонуччи, Бенатия (Ругани, 78), Асамоа, Хедира, Пьянич, Дани Алвес, Дибала, Пьяца (Кин, 89), Игуаин.
Милан – Доннарумма, Сапата, Палетта, Романьоли, Де Шильо, Пашалич (Поли, 71), Соса, Бертолаччи, Деулофеу, Бакка (Куцка, 55), Окампос (Ванжони, 90).
Огоҳлантиришлар: Пашалич (23), Бенатия (36), Деулофеу (39), Окампос (57), Романьоли (61), Пьянич (78), Хедира (87), Соса (89).
Четлатиш: Соса (90).
