«Барселона» клубининг янги бош мураббийи этиб Хуан Карлос Унсуэ тайинланиши мумкин.
Айни пайтда, каталонияликлар бир қатор номзодларни ўрганиб чиқмоқда. Уларнинг орасида Луис Энрике мураббийлар штаби аъзоси Унсуэ ҳам бор.
Унинг номзоди танланишига сабаб – Унсуэ жамоа ичидаги муҳитни жуда яхши билади, «Барселона» эса айнан шундай мураббийни излаётгани ҳақида хабар берганди.
Унсуэ 1988-1990 йилларда «Барселона»да дарвозабон сифатида бир неча ўйинда майдонга тушган. Шундан сўнг у Франк Райкаард ва Хосеп Гвардиола штабида дарвозабонлар мураббийи бўлиб ишлаган. Кейинчалик Луис Энрикега «Сельта»да ёрдам берган ва 2014 йилда «Барселона»га қайтган.
