ПСЖ президенти Носир Ал-Хилайфий «Барселона» (1:6) клубига қарши ўйиндаги ҳакамликдан норози бўлди.

«УЕФА Дениз Айтекинни жазолайдими? Билмадим. Биз ҳакамнинг хатолари ортига яширинмоқчи эмасмиз. Аммо бундай мусобақадаги ҳакамлик энг юқори савияда бўлиши керак. Агар ҳакам узоқни кўзлаб ишлаганида, ўйин натижаси бошқача бўлиши мумкин эди. Шу нарсани миямдан чиқара олмаяпман.

Ди Марияга нисбатан қоида бузилганини ҳамма кўрди. Агар пенальти белгиланганида, ҳисоб 3:2 бўлиши ва ноаниқликлар бартараф этилиши мумкин эди. Ўз навбатида, Суаресга нисбатан қоида бузилмаган ва пенальтии йўқ эди» - деди Ал-Хилайфий.