"Челси" бош мураббийи Антонио Конте Жозе Моуриньо изидан бориб, лондонликлар билан унинг омадли натижаларини такрорламоқчи.
Моуриньо "Челси" билан уч марта чемпионликка эришган, уч марта Лига кубогини ва Англия Суперкубогини ютган.
"Албатта, келажакда Моуриньонинг натижаларини такрорламоқчиман. Мен унинг ишқибозлар юрагида қолганини биламан. Бу жуда зўр, чунки у бунга муносиб.
Жозе "Челси" тарихининг катта қисмини ёзган деб ўйлайман. Одамлар буни унутмаганлиги муҳим. Мен уни ҳурмат қиламан, чунки у ғолиб, менга унинг менталитети ёқади. Ҳар бир ишқибоз уни ҳурмат қилиши керак", - дейди Конте.
Контенинг "Челси"си бугун Ангия кубоги чорак финалида Моуриньонинг "Манчестер Юнайтед"и билан ўйнайди.
